Texte aus eigener Feder für unsere Weihnachtskonzerte
A König is geborn
Text: Petra Römisch
Melodie: Marys Boy Child - Boney M..
Von d`Engerl heast Halleluja –
A König is geborn,
Vor launga Zeit in Betlehem
jo so stehts im Biachl drin.
Maria hot an Sohn geborn
der gibt unsan Lebm erst Sinn.
R.:Huach dan aun den Engelsgsaung
a König is geborn.
Der Mensch der lebt jetzt ewig laung
ohne s`Kind warn ma längst varlurn.
De Hirtn haum de Herd bewocht
do segns an strahlend höllen Stern.
Von dÈngerl heast Halleluja
se haum des Kindal gern.
R.:Huach dan aun den Engelsgsaung
a König is geborn.
Der Mensch der lebt jetzt ewig laung
ohne s`Kind warn ma längst varlurn.
Und in dem Stoi zu Betlehem
schaun Ochs und Esel zua,
wia`s Biabal in da Wiegn liegt,
und schloft in söliga Ruah.
R.:Huach dan aun den Engelsgsaung
a König is geborn.
Der Mensch der lebt jetzt ewig laung
ohne s`Kind warn ma längst varlurn.
Huach dan aun den Engelsgsaung
a König is geborn.
Der Mensch der lebt jetzt ewig laung
ohne s`Kind warn ma längst varlurn.
Die Zeit vergeht
Text: Petra Römisch
Melodie: Book of love - Peter Gabriel
De Zeit vergeht de Liachta brennan scho fost in jedem oidn Haus.
De Weihnochtszeit is laung und einsam
schaut ma allan beim Fenster raus.
Doch mir
mir gfoit der leise Flockentaunz
und du
du taunzt so sche für mi.
De Zeit vergeht de Kerzn brennan#
a bisserl Rauch liegt in der Luft.
A waunn de Augn a bisserl rinnan
wos fia a scheena Weihnochtsduft.
Doch mir
mir gfoit der zoate Kerznschein/-schimmer
und du
du stroist fia mi/ fia mi allan.
De Zeit vergeht a End hots Singan
da letzte Ton is fost verstummt.
Doch wichtig is dass wir erinnern
dass ollas doch von Herzn kummt.
Und wir
wir wünschen noch a schene Zeit
dass eich
de Melodie im Herzn bleibt
unsa Konzert im Herzn bleibt
unsa Konzert im Herzn bleibt.
Hallelujah
Text: Petra Römisch
Melodie: Hallelujah - Leonard Cohen
A klana Bua im Schnee do steht
er woat nur drauf daß de Zeit vageht
und daß er des Christkind amoi siacht -
Dann tat er frogn, s ogn muass des sein
de Streiterei bei uns owei
und leise sing er dann sei Hallelujah
Hallelujah, ...
De oide Frau im Nochboashaus
de geht nur mehr ganz sötn aus
doch des Joha wü se Weihnocht nu moi gspian
Sie mocht se zrecht za n Kirchn geh,
do siacht sie de Engerl schee, de singan ihr a letztes Hallelujah
Hallelujah, ...
Der Mann do hint is ganz aloan
er woaß no wie es früher war -
friara des is nu ned solange her
Do hot er a Famülie ghobt,
a scheenes an guatn Job, doch jetzt suacht
er Trost im Halleluja
Hallelujah, ...
Wos i grod gspia kann i net sogn
i hob zur Zeit so vü zum trogn -
mei Kopf der wü net wirkli vu vastehn -
Ob 's Krank sei is, da Tod des Leb
͚i hätt nu so vü von mia zan gebm
und des is net nur ans, des Halleluja
Hallelujah, ...
Hob'ts scho g'heart
Text. Toni Walzer
Melodie: Winter Wonderland
Hob’ts scho g‘heart – es wird Weihnacht / Wirklich wahr – wieder Weihnacht
Des schenste Fest im Jahr – jo des is war / Es wird wieder Weihnacht wunderbar.
Und am Bam – de vülen Kerzen / Do gengans auf – Eure Herzen
De Kinda de schaun – es is a Traum / Es wieder wieder Weihnacht wunderbar
Und donn nau de vüln schenan Lieda / Des gfoit ma zu Weihnacht’ imma wieda
Selbst da Grantigste des is jo eh kloar / Lacht zu Weihnacht des ist wunderbar
Hob’ts scho g‘heart – es wird Weihnacht / Wirklich wahr – wieder Weihnacht
Des schenste Fest im Jahr – jo des is wahr / Es wird wieder Weihnacht wunderbar.
Und de Keks – wie sie schmecken / A da Schnee tuat ois zu deckn
Jetzt is alln kloar – es is wirklich wahr / Es kommt wieder Weihnacht wundbar
No von an – do muss i Eich berichten / I mog a die schenan Weihnachtsg’schichtn
Vom Stern und vo dem gonz besonderen Kind / Es kummt wieda Weihnacht ganz bestimmt
I tram von ana stühn Weihnocht
Text: Petra Römisch
Melodie: White Christmas - Bing Crosby
De Tog san kiaza, de Schwoim san furt, und draußn is´s a scho koit.
Und wia I so steh im Woid, denk I Weihnochtn kummt hiazt boid.
Schworz-weiße Bülda steign in mir auf, und de Gedaunkn nemman ihrn Lauf…..
I tram von ana stülln Weihnocht
vom Kekserlduft und Liachtataunz.
Von dem b´sundan Lochn
wias Kinda nur mochn
und ois stroit in höllem Glaunz.
Kumm moch mit mir de Augn zu
und stöll da vur es liegt da Schnee.
Worme Liachta brennan am Bam
und du gspiast du bist jetz ned allan.
I tram von ana scheen Weihnocht
so wia des frira amio woa.
Von dem Kindajubel
beim Weihnochtstrubel
und von an gaunz an siaßn Bam.
I tram von ana scheen Weihnocht
dass olle nu moi bei mir warn.
Daunn tat i gaunz leis Daunkscheen sogn -
drah mi um und geh glicklich davon.
..Daunn tat i gaunz leis Daunkscheen sogn -
drah mi um und geh glicklich davon.
Leroy
Text: Toni Walzer
Melodie: Leroy The Redneck Reindeer
Sprachgesang: Den Rudi kennt s ihr sicher
den mit der roten Nos
͚i dazö jetzt oba a G'schicht
de is sicha gonz famos
A wonns jetzt denkst ihr kennt ͛s olle
oba de kennt's sicha net
von ana gonz varuckten Weihnocht
und wia 's do so zua geht
1. Da Rudi wor nämlich amoi kronk
Sei Nosn woar roter denn je
Do hot den Leory sein Schwoger gfragt
Heast Leroy gehtst fia mi in die Heh
Weu da Santa is ohne mi aufghaut
du tatst ma a großen Gfoin
Leroy mant – goar ka Problem
und haut sie in sein Pickup-Truck
Wie da Leory om Nordpool aukommt
haun s de Reindeere oh
Nie bevor haum se a Reindeer gesegn
in an Overall und an John Deere Huat
Da Santa Klaus is froh das a do is
weu 's Haufn Hockn gibt
Und glaubst oda net - da Leroy is do
und zeigt eich heit Nocht den Weg
Refrain:
Es ist da Leroy –
in sein Overall und sein John Deere Trucker Huat
Er bringt die Sochen zu de Kinda hin
und de de finden des guat
Es is ka fader
des merkt ma boid - und gibt mit sein Pickup Gas
Jo - er singt dabei und den Santa Klaus gfreits
und des is a Geschichte de is klas
2. Bevor die Nocht vorbei wor
jo hot 's da Leroy geschofft
Er hot den Santa Klaus, de Reindeer und den Rest auf Country Music brocht
Da Santa hot jetzt a an Overall
und an scheenen greanen Huat
Mit an John Deere Logo, a poar Cowboy Boots
und an Pickup –der foahrt so guat
Refrain:
Es ist da Leroy –
in sein Overall und sein John Deere Trucker Huat
Er bringt die Sochen zu de Kinda hin
und de de finden des guat
Es is ka fader
des merkt ma boid - und gibt mit sein Pickup Gas
Jo - er singt dabei und den Santa Klaus gfreits
und des is a Geschichte de is klas
Scheene Weihnocht fia daham
Text: Petra Römisch
Melodie: Merry Christmas everyone
1. Schnee foit owa, auf de Stroßn
und de Autofoahra schrein.
Weu se miassn nem de neichn Rafn
a fia`d Mary Christmas zoin.
Und a sunst san de Leit zwida -
rennan nur mehr ummadum.
Kana heat de Weihnochtsliada klingan
Merry Christmas sog warum.
Refrain: Kumm loss uns amoi a Kind nu sein
und uns so richtig aus gaunzn Herzn lochn und uns auf des Christkind gfrein.
2. Schnee foit owa auf de Stroßn
und wir mochn a Schneeboischlocht.
Und daunn nemma unsa oide Rodl
und foan owa bis auf d`Nocht.
Refrain: Kumm loss uns amoi a Kind nu sein
und uns so richtig aus gaunzn Herzn lochn und uns auf des Christkind gfrein.
3. Schnee foit owa auf de Stroßn
und wir mochn a Schneeboischlocht.
Und daunn hea ma dieses scheene Liadl
Merry Christmas everyone.
Merry Christmas everyone.
Schnee foit owa auf de Stroßn
und wir mochn a Schneeboischlocht.
Und daunn hea ma dieses scheene Liadl
Merry Christmas everyone.
Schnee foit owa auf de Stroßn
und wir mochn a Schneeboischlocht.
Und daunn singan olle mitanaunda
Merry Christmas everyone -
Scheene Weihnocht fia daham.
Silver Bells
Text: Toni Walzer
Melodie: Silver Bells
1. I geh eini - in a G'schäftl - und do siach i's scho steht
do steht a Rentier und a Schneemann und da Santa (da Santa Klaus)
und do hear i's a scho wieda - jedes Johr um de söbe Zeit
Anfang November mocht Stille Nacht für mi ka Freid.
Refrain:
Silver Bells - Silver Bells - Weihnocht fongt on im November
Wochenlang - Wochenlang - hea i eam scho - de Glock'nklang - überall
2. I hear Last Christmas, Scheene Weihnocht und Feliz Navidad
die G'schicht vom Trummler und von Mary ihr'm Buam
Ob bei Hornbach oder Obi - überall der söbe Wahn
nächste Johr fong'ans sicher im Juli an
Refrain:
Silver Bells - Silver Bells - Weihnocht fongt on im Oktober
Wochenlang - Wochenlang - hea i eam scho - de Glock'nklang - überall
3. pfeifen...
Refrain:
Silver Bells - Silver Bells - Weihnocht fongt on im September
Wochenlang - Wochenlang - hea i eam scho - de Glock'nklang - überall
Und wieda wird Weihnocht
Text: Toni Walzer
Melodie: War is over
1. Und wieda wird Weihnacht
a Johr is vurbei
Die Zeit sie wird stüller
oh wie i mgfrei
Und wieda wird Weihnacht
so schee und so zart
Ihr kennt ’s mas gern glauben
so long hob i gwoart
Refrain
A Wunderscheene Weihnacht so wia s fria wor
Kann Streit nur an Frieden –
des wahr wunderbar
2. Und wieda wird Weihnacht
de Kinder se strahln
Es is jo so afach mit weniger wolln
Und wieda wird Weihnacht
so hell und so klar
Mit Freunden beinand sein
dazön wos ois wor
Refrain:
3. Und wieda is Weihnacht
a söliges Fest
Im Kreis der Familie
im eigenen Nest
Und wieda is Weihacht
mit Herz und Verstand
Für a onda do sei
Kumm gib ma dei Hand
Ende:
Weihnochtslieder - klingen wieder.
Da Trommler
Text: Petra Römisch
Melodie: Drummer Boy
(u,a ist die Begleitung)
( Toni) Kumm zum Kind mit u
(Tom) des is mei anzge Bitt a
(Weki) es woat auf di allan aa
(Michi) do fühlst du die daham
u so stüll is es worn
in meine Oam
a- u (Tom) Friedlich schloft `s nun a- u
mia kenna nix a mehr tuan aa
2 stimmig.( Michi + Weki) du schaust des Kindal aun aa
2 stimmig: a daunn hoitst sei Haund gaunz laung
u ( Tom) ohne Lebm liegt`s a
in deine Oam.
2 sitmmig (Tom und Toni) + Perc:
Heast den Trommler?
Von weit her kummt er
( Weki+ Tom) Er hoit des Kind zu sich aa
und führt es sanft zum Licht
Michi+ Weki+ Tom: A Lächeln auf sein Gsicht
nur fia uns zwa.
Bridge:
Michi: Er hoit des Kind zu sich
und fiat es saunft zum Licht
4x nur fia uns zwa
rampam pam pam
De Oma des is zaumgrennt mit an Renntier
Text: Toni Walzer
Melodie: Grandma got run over by a reindeer
De Oma des is zaumgrennt mit an Renntier – / Auf ihrn Weg vom Weihnochtsmarkt nach Haus
A wonn ihr jetzt net glaubts aun den Santa / für mi ist der Aberglauben jetzt aus
[1] Sie hot 5,6,7,8 Punsch ghobt – / Mir haum gsogt „Hey - Trink des net“
Sie wolltes oba echt net glaub – / Hot nur gsogt - „Gebts ma no an für mein Weg“
Des wor da Anfang von ihrn Ende / Am nächsten Tog glei in da Fruah
Jo do haum sie donn gfunden / Im G’sicht – a Hufabdruck - a dicke Rentierspur
Refrain:…
[2] Nur da Opa hot des leicht packt / Hot nur gforgt – wos gibt’s zum Fest
Kennt’n wir vielleicht a Gons haum – mit an Kraut - In an Erdapfe-Nest
Doch es ist ka scheene Weihnocht / Wann de Oma ist net do
Nur beim Weihnochts-Liadl-Singa / Woa d‘ Vawondschot darüber ziemlich froh
Refrain:
[3] SLOW: Und des Gansl steht aum Tisch jetzt / Es ist ois sche dekoriert
Fandln mit Sübagrau Kerzn - Schaun fost aus - wie Omas Hoar auftoupiert
De Moral von der G’schicht jetzt / Passt guat auf so noch an Moarkt
Und speziell zu dieser Zeit grod / Wonn a roter Typ mit Schlitten foahrt.
Refrain:
Frosty da Schneemau
Text: Alfred Römisch
Melodie: Frosty the Snowman
I: Hippe di hopp hopp:I Schau da den Schneemaunn aun
I: Hippe di hopp hopp:I Denn boid rinnt er davon
Ref1:
Do , schau, es schneibt draußt –
gemma schnö an Scheemann baun
Denn wer waß wia laung da Schnee nu liegt
und ohne Schnee gibt’s kann Schneemaunn.
Ref 2:
3 Kugeln braucht ma, a Karottn + 2 Koin
und an Topf nemma ois Zylindahuat
und an Besn – der is gstoihn.
Str. 1:
Moch ma gaunz an großn
wos glaubst wia d`Leit daunn schuan.
So wos haums scho laung ned gsegn
und sie wern ihrn Augn ned traun
Ref 3:
Frosty so haßt er
weu an Naum muaß er jo haum
und a Pfeifn kriagt er a ins Gsicht
Mein Gott is er ned a Traum.
Ref1+2: Du whapp (Toni Trompete)
Ref: 1+2 gesungen
Str. 2: Und am nächstn Tog daunn
schaut er uns gaunz traurig aun.
Leise sogt er: „Mir is haß
i glaub i rinn davon.“
Ref. 4:
Frosty the snowman hots daunn gaunz eilig ghobt
und er winkt uns zu und seufzt: „ Pfiat Gott – i kumm sicher wieder zruck!“
I: Hippe di hopp hopp:I Schau da den Schneemaunn au
I: Hippe di hopp hopp:I i glaub er rinnt davon!
I geh wieder ohne Bam...
Text: Alfred Römisch
Melodie: Rocking around the christmas tree
I geh wieda amoi ohne Bam
vom Christbamstandl ham
gfundn hob i heia nix
weu es woan de letzt Bam.
Olle joah nimm i ma fur
dass i frira kaufn geh.
Doch es is wia verhext
i glaub da Bam hoit mi am Schmäh.
Zwischenteil:
Ma is in kana Weihnochtsstimmung so gaunz ohne Schnee
owa ohne Christbam is des Weihnochtsfest ned schee.
Jetz geh i
Wieda amoi ohne Bam
von dem Christbamstandl ham
gfundn hob i heia nix
weu es woan de letztn Bam.
Olle Joah nimm i ma fur
dass i frira kaufn geh.
Doch es is wia verhext
i glaub da Bam hoit mi am Schmäh.
Ref:
In an Oarm von an Engl
Text: Toni Walzer
Melodie: In the arms on an angel - Sarah McLachlan
I steh do vor mein Christbam –
im scheensten Gwond -
und denk donn on friar on zruck
Und imma an Weihnocht -
kummt so a bsunders Gfühl
fia de Leit de heit nimma san
Zum Beispiel mein Oma
des z'Weihnochten so gern für uns gsunga hot
Oda da Gottfried mit seine Schmäh
wie oft hot er uns zum lochn brocht
Refrain:
In an Oarm von an Engl
mecht i liegn
Auf an Stern hoch am Himmelszöt
mecht i's segn und a gspian
Grod on Weihnocht do is so
die Erinnerung wird woch
In an Oarm von an Engl mecht i liegn
bestimmt is a wach
De Kerzn brennan owe
Zeit für d ’Mettn
da Schnee draußt is glosklor und koid
A poor stehn schon zsammen
wünschen Weihnocht
und jeder hot an bsunderen Blick.
Se g’spian jo genauso
des Wunder vom Obend
und denken vielleicht a wia i
Aun ihre Freinde, de Ötern, die Frau und die Kinda
die nimma bei uns sand
Refrain:
In an Oarm von an Engl
mecht i liegn
Auf an Stern hoch am Himmelszöt
mecht i's segn und a gspian
Grod on Weihnocht do is so
die Erinnerung wird woch
In an Oarm von an Engl mecht i liegn
bestimmt is a wach
Oh jetzt ist wieda die Zeit
Text: Petra Römisch
Melodie: The first noel
1. Oh, jetzt is wieda de Zeit, Weihnochtn is ned weit,
i wo a domois a Kind- wo de Zeit ned varinnt.
Jedes Joa des söwe Zü - Wünsche hob i goa vü,
doch des Göd von de Ötan reicht nua fia a Spü.
Refrain:
Nowell, nowell, nowell nowell
Zweihnochtn brennt imma`s Liacht so hell.
2. Santa Claus du guata Maunn, ziag dei Wintagwaund aun,
wei durt draußn im Woid wo i wohn do is koit.
I waß eh dass di ned gibt, i glaub trotzdem aun di,
vielleicht host du a übriges Packerl fia mi.
Refrain:
3. Waunn du kummst zu mia, und du klopfst aun da Tia,
wia i lochn und rean dass de Engal obm hean.
Und se gfrein se daunn mit mia, weu i`s a amoi gspia,
so wia aundare Leit es is Weihnochtn heit.
Refrain:
Santa Klaus - i kriag di heit Nocht
Text: Petra Römisch
Melodie: Santa Claus is coming to town
I geh so spaziern – de Stroßn san weiß
und überoi heat ma de söltaume Weis ( Wölche Weis?):
Santa Klaus wird kumman heit Nocht.
Santa Klaus wird kumman heit Nocht.
Santa Klaus wird kumman heit Nocht.
I kränk mi so sehr – i muas zu eam hin
weu i jo des richtige Christkindl bin.
Santa Klaus i suach di heit Nocht.
Santa Klaus i suach di heit Nocht.
Santa Klaus i suach di heit Nocht.
Ich folge seinen Spuren -
( I suach de gaunze Zeit scho)
des is jo ned so schwer,
( Doch i, i find eam ned)
weu da Santa kummt
(Kummt jo
–jo wia ma waß mit de Rentiere daher.
wia ma waß mit de)
Rudolph the rednosed rendeir(?)
Doch am End von der Spur da staune ich sehr
do stengan de Rentier - da Schlitten liegt quer. (Boiiing!)
Santa Klaus i kriag di heit Nocht.
Santa Klaus i kriag di heit Nocht.
Santa Klaus i kriag di heit Nocht.
Santa Klaus i kriag di heit Nocht.
I triff eam daunn im Rauchfaung
( „Hey-du, wos mochstn du do?“)
„Wia kummst denn du daher?
(„Geh, du, misch di ned ein!“)
Dei G´sicht des is jo volla Ruaß-
(„Du bist volla Ruaß ..
geh di´woschn – bitte sehr!!“
geh di wo..“)
Ach bitte lass mich dein Badewasser schlürfen..
I bin zu eam grutscht, wia haum uns varkeilt
jetzt wern kana Packal verteilt (heit)
Santa Klaus kummt heia zu spät…
Santa Klaus kummt heia zu spät…
Schlittn foahrn is schee
Text: Petra Römisch
Melodie: Jingle Bells
Jingle bells, Jingle bells. heast von do bis Wean
Des gfoit ned nur da Mali Tant
Des singan olle gern.
Weu Jingle bells, Jingle bells. heast von do bis Wean
Jeda tuat gern Schlittn foan
Besondas unta d`Stern.
In Füzmoos gibt’s an Wirt
Durt wird ned nur serviert
Der hot durt a poa Schlittn steh
Weu Schlittn foan is schee.
De Pfertln san a Procht
Und gfoan wird a bei Nocht
Do kaunnst daunn a de Mützn segn
Von Bischof in da Heh.
Jingle bells......
Da Mayer der steigt ei
Sei Frau glei hitadrei
Se haum a nu 6 Kinda g´hobt
Jetzt wird da Plotz scho knopp.
De Leit von Kreuz und Quer
Kumman daunn a nu daher
Und woin a mit dem Schlittn foan
So z`saummpickt woas recht woam.
Jingle bells.....
Und wia des hoit so is
Waunn Sänga z´saumman san
Ma stimmt a schenes Liadl aun
Und singt des ned allan.
Da Kutscha woa gaunz weg
Weu singan kaunn er a
Er hot uns no a Liadl glernt
des sing ma heit nu gern.
Weihnochtszeit
Text: Toni Walzer
Melodie: Mistletoe and wine
1. I hear schon von weiten - die Glockn leitn
auf a scheen Zeit – wolln sie uns vorbereiten
da Schnee a scho kimmt – mit eisigen Wind
wost des bedeutet – was jedes Kind:
Ref-1: Weihnochtszeit - es is bald so weit
a Fest auf des si jeder schon gfreit
mit Kekserl de duften und Liachter am Bam
bei so ana Stimmung fühlst di wi daham
2. Um 's Herz wird 's gonz woarm - de G͛schenke no besorgn
schee wir ͛s leichten – die Augen die feichten
Weihnachtszeit sölige Zeit - und auf ͛s Keks essen - a net vergessen
Refrain:
3. Wonn da Schnee boid kimmt – und es waht a eis͛ger Wind
donn wissen d͛Leit – 's Fest is nimma weit
den Wunschzettl schreibn - im Haus richat͛s gonz fein
net nur die Kinda – stimmen mit ein:
Ref2: Weihnachtszeit - wos fia a Freid
für die Familie a bisserl mehr Zeit
Die Sorgen vergessen –
fia a poor Stund - Weihnachtslieda in olla Mund
Stülle Nocht – heilige Nocht
Kinder singen und d͛Oma locht
de Packerl vorm Christbam - mit Kerzen drauf
an jeden geht do glei es Herzen auf
3, Es ist Zeit zum Reden – A Zeit zum Zuhern
A Zeit wir͛s besser jo nimma sei kennt
Weihnachtszeit jo – endlich is do
und no a Bitt - bitte singst mit:
Refrain