Texte aus eigener Feder für unsere Konzerte
A Band die acapella singt
Text: Toni Walzer
Melodie: Ein Stern der deinen Namen trägt - Nik P.
1. Es wor scho vor sehr longer Zeit –
den Tom und d’Mich hot’s bis heit net „greit“
sie wollt’n moi wos Neiches ausprobiern
a neiche Musik wollt’ns mochen
oba ganz ohne Instrumenten Sochn
es soit hoit nur mit’n Gsang wos sein
Refrain:
Heit san’s a Band – de acapella singt
des a no noch wos klingt
de heart’s ihr heite nocht
Jo a Band - de acapella singt
des a nu so schee swingt
des gfoit eich jo bestimmt
2. 3 - 4 Leit – de woarn boid gfunden
so sans kemman über’d Runden
nur so ganz hot eahna des net taugt
nur das Schicksal das nahm seinen Lauf
se gobelten de Wecky auf
und zum Schluß - Fredi und Toni a
Refrain:
3. No vülle Johre soll‘ es bringan
und wir werden no imma singan
und schee longsom werdn dabei oid
Es mocht jo nix – so is des Leben
oba wir 5 werden’s ses imma geben
des Gfühl do auf der Bühne heite Nocht.
B.A.
Text: Petra Römisch
Melodie: Summer dreaming - kate yanai
1. Setzts eich amoi her zu mir
Wisst es no - des woa so schee
Fühlts ihr nu de Sunn und riachts ihr nu de Wiesn
von da Alm im Bod Aussee.
2. Tau in da Murgnsunn
Boafuaß durch de Wiesn geh
-singan, taunzn essn und de Wölt vargessn
auf da Alm in Bod Aussee.
Ref.
Schimmen geh in Bod Aussee
waundan geh in Bod Aussee
pockts eich z`saumm und foa ma
olle mitanaunda
gaunz gemütlich noch B.A.
Wh. 1. oder 2. Str.
Billige Jeans
Text: Petra Römisch
Melodie: Billie Jean
Mei oide Hosn de is hin hob wos neichs im Sinn und weu i jetz scho ö-
da bin geh i heit ( gaunz allan – in des Gschäft- do hinein)
De Vakeiverin frogt
( wos deafs sei - bitte sehr - bitte schön)
I nimm mein Mut z`samm und stöll mi vur des Fräulein hin – i bring daunn nur z`saumm –heans
Mei Hosn is hin ( i wird ihr - jetzt a nu – wos erklärn)
De Mama hot mag sogt, Bua , pass auf sche auf die Gwaund
Und schmia die Hosn jo ned oh IIIIIIh. Und d`Mama hot mag sogt Bua
Pass auf schen auf dei Soch, waunst`d haglich bist daunn host länga wos davon
Billig Jeans tuans jo a , do is des Auswöhln
Ned so schwa ( s`gibt nur 2) , und da Papa hots jo a
Sie sogt Bua pass sche auf , weu da
Papa tuats jo a.
Des Fräulein lächelt mi jetzt aunn – wias a Frau nur kaunn
Daunn nimmt sie mi schnö bei da Haund –zagt ma des Gwaund ( is des schen
Und so zoat – und so zoat?) - so wird mia laungsaum kloa
Dass i do steh ois a richtiga Noarr.
Doch scheinboa mocht`s dem Fräulein nix – i steh do ois Witz
Sie kummt auf mich zu und sie reicht mia a Dessou ( is des schen
Und so zoat goa ned hoat) -
D`Mama hot g`sogt Madl, pass bitte auf auf di,. de Mauna san jo soiche Hund
Hiiiiii – und d`Mama hot g`sogt Madl und waunnst amoi wen nimmst daunn
Ocht anfoch nur drauf, dass ana is der sogt:
II:Billig Jean tuans jo a do is des Auswöhln
Ned so schwa (s`gibt nur2) , und Mei Papa hot`s jo a
Er sogt i pass sche auf :II– ewu mei
Papa tuats jo a ( 2. Mal: jetzt fühl i mi ned mehr allan)
Bist mei daham - mei Österreich
Text: Petra Römisch
Melodie: How great thou art
A tram, heit Nocht
der nu den nächstn Tog mocht
dass i wos gspia
wos längst vergessn woa.
Jetzt siach i d`Stern
i hear an fernen Donner
und gspia de Mocht
a Gfühl des saunft mi trogt.
Daunn singt mei Söhl
an Fliaglschlog gaunz gleich
bist mei daham
bist mei daham
I siach den Woid
schau auf de goidnan Földa
und hear an Vogl singan auf an Bam
I gspia de Erd
unter de nocktn Zechn
und fühl mi kloan
und dennoch so geborgn.
Daunn singt mei Söhl
an Fliaglschlog gaunz gleich
bist mei daham
bist mei daham
Daunn singt mei Söhl
an Fliaglschlog gaunz gleich
bist mei daham
bist mei daham
Der Moment
der Moment
Demut gleich
Demut gleich
der Moment
der Moment
Demut gleicht
Kumm schau di um
moch deine Augn weit auf
und siach die Schön-
heit rund um di herum.
So schene Ber-
ge, Seen und wia friedvoll
di S`Laund umoamt
und haucht „ Bin Hoamatlaund“
Daunn singt mei Söhl
an Fliaglschlog gaunz gleich
bist mei daham
bist mei daham
Daunn singt mei Söhl
an Fliaglschlog gaunz gleich
bist mei daham
bist mei daham
bist mei daham
mei/ schens Österreich.
Dam (imma auf'n Dam)
Text: Toni Walzer
Melodie: Come And Go With Me- The Dell Vikings
1. Letztn Freitog – auf da Baustöh
nimm i mei Werkzeig – und geh’s au schnö,
mit Meisl und Homma
Da Chef bin nämlich i - yeah
2. A Loch in da Wond des - homma glei
sog i zu meinem Schatzl – bevor i schrei
Da Homma geht daneben – auuuu (lang) weh au au au weh
Bridge:
Ich brauch jetzt a Bier – a Bier a Bier a Bier,
damit i nix mehr gspiar
A Schnops der war no bessa – bessa bessa bessa
damit er nix mehr gespiat
3. Haumma und Meisl - hau i weg
wer braucht so an – oiden Dreck
I nimm jetzt mei Hilti
und zag’s der Mauer jetzt – yeah
Refrain:
Dam…
Bridge:
Ich meißle wie wie Wilder – Wilder Wilder Wilder,
Mei Dam wird dick und blau
Des Loch wird imma gressa – gressa gressa gressa
schaut (aus) wia a Tunneleingang aus
4. 2 Stunden später – nochn 12ten Bier
die Mauer steht nur noch fraktal vor mir
mei Schatzl ruft au und frogt
||:und wia is - die Katzentür?:||
De G'schicht von mein Lebn
Text: Toni Walzer
Melodie: Story of my life
1. Maunchmoi do sitzt i so do - und i denk ma wos sois
tausende Sochn in mein Hirn - de ma afoch net gfoin
Die Kundschoft di di aufäuft - der Freind der sauft - des Auto vor dir
Die Casting-Show die kane is - scho wieda a Tschick und a Bier
und donn liegst in dein Bett
Stund um Stund vageht
a guate Lösung findst heit net
nix kummt aus deinem Hirn.
Refrain:
De G'schicht von mein Lebn - erzöh i eich heit
De G'schicht von mein Lebn - is maunchmoi gonz schee hoart
2. Und doch mocht ma weiter - des hot ma uns so auntrainiert
Du beißt donn die Zähnt zaum - und sogst hey es is' nix passiert
doch tiaf in dir drinnen - do frogst di - hey muass des so sein
das Göd ois regiert - und die Leit haum a Herzn aus Blei
Refrain
Bridge:
Nur i gib sicher jetzt nicht auf - und start neich durch
des Herz is stark - die Seel sie brennt - mei Kopf wird langsam klar
Refain
Du allan
Text: Petra Römisch
Melodie: Only you
Loss ma bitte nua a wenig Zeit
es is no ned so weit
Fia uns zwa
Als du des gsogt host woa i valurn
Bin 1000 Tode fost gsturm
`swoa so schwa.
Ref:
Du woast der auf den i baut hob,
der den i furchtboa gern ghobt hob
du woast mei Lebenstram
du allan.
Da Tog der schleicht jetzt nur mehr dahin
`s Lebm mocht goa kann Sinn
ohne di
Doch plötzlich woast du vur meina Tia
„ Du i g`hea nur zu dir-
bitte hoid mi.“
Ref:
Heite schau i in deine Augn
Und i siach des Vatraun
Die Gefühle.
Wunda de passiern ned sehr oft
Owa mia zwa haums gschofft
`s woa hoit Liebe.
Ref:
Du bist der auf den I baun kaun
Der auf den i furchtboa stoiz sein kann
Du bist mei Lebenstram
Du allan.
Du mochst mi stoark
Text: Michaela Walzer
Melodie: You raise me up - Celtic Woman
1. Geht’s ma net guat – und i was net wohin
san des Sorgen z'gross - das i ninma trogn kaun
donn wird’s gonz stüh – und i zind a Kerzn au
bist du kummst ham und nimmst mi in dein Oarm
Re
Refrain:
Du mochst mi stoark – das i aum Berg obm steh kau
du mochst mi stoark – die Wöhn zu überstehen
gibst mir die Kroft – wonn du mi in dein Oarm nimmst
Du mochst mi stoark – wias i ohne die ni war
2. es gibt ka Lebm mehr für mi ohne di
mei klanes Herz schlogt für die nur gonz allan
Wonnst bei mir bist donn geht’s ma richtig guat
donn denk i ma – Herrgot los fia imma sein
Refrain:
Du mochst mi stoark – das i aum Berg obm steh kau
du mochst mi stoark – die Wöhn zu überstehen
gibst mir die Kroft – wonn du mi in dein Oarm nimmst
Du mochst mi stoark – wias i ohne die ni war
Fünf sechs Tog bis zum Weekend
Text: Toni Walzer
Melodie: 5 seconds - Rihanna
1. Montag uma hoiba 7 / a bissl no donn muass i auf
I war no gern liegnbliebn / s’hüft jo nix gheart zum Leben
Des Frühstück muass i a / jetzt donn noch richtn
Refrain:
es sand no
Fünf sechs Tog bis zum Weekend
I glaub i druck des boid nimma durch / es san no
Fünf sechs Tog bis zum Weekend –
Weekend ist schee – nur des dauert no a gonz schee longe
2. D‘Wochn de zaht se scho – a wonn erst Dienstog is
Termine den gonzen Tog – s’Telefon gibt a ka Ruah
Refrain:
es sand no
Vier fünf Tog bis zum Weekend
I glaub i hoit des boid nimma aus / es san no
Vier fünf Tog bis zum Weekend –
Weekend ist schee – nur des dauert no a gonz schee longe
Bridge:
Und ab Mittwoch wird’s donns besser – die erste Höfte is donn um
Donnerstag steigt die Stimmung weu - am Freitag moch ma blau
Hey du bist doch der von Kreuz & Quer
Melodie: Eigenkomposition
1. Neichlich wollt i amoi auf a Festl gehen
a guat Ochterl trinken und oide Spetzln segn
doch bei ersten Tisch do is es scho passiert
do schaut mi ana au und hot mi glei fixiert
er grinst mi au mit vollem Mund und scho was is wos jetzt
gleich kummt
||: Er sogt hey nur
Hey - du bist doch der von Kreuz & Quer
Wir kennen dich genau
jo ich und meine Frau:||
2. A onderes Moi – wor i länger furt
De Bar’s worn lässig oba s Licht wo net so guat
Am nächsten Tog de Zeit was i net genau
Do drah i mi im Bett und do liegt a fremde Frau
Do mocht sie ihre Augen auf und ihr wißt scho wos jetzt kummt
Mit ausländischem Akzent do kommt aus Ihrem Mund:
Refrain: Hey
... Ich komme auch ins Haus
und 500,- mocht des aus
3. Private Weiterbildung ist wichtig was ma scho
Drum wor i in a Swingerclub nur zur Info
Wia i do so schau und denk oba wos
Kummt von da Seitn gonz a liaba Hos
I nimm mein gonzn Mut zaum und wür Ihr grod wo sogn
Do kummt sie auf mi zu und sogt Hearst dearf i di wos frogn?
Refrain:
... ich kenn auch deine Frau
sog wo is sie grod genau
I steh nur auf'n Bass
Text: Petra Römisch
Melodie: All about the bass - Megan Trainor
Da Grund i sog da`n
i steh nur auf an Bass
auf an Bass ( den Fredl)
i steh nur auf an Bass
auf an Bass ( den Fredl)
i nur auf an Bass( den Fredl)
i steh nur auf an Bass
auf an Bass
Es woa ma imma kloa scho seit i 16 woa
i drah es hin und her
entscheidn woa ned schwer
ma hurcht se vülles aun wos ma so hern kaunn
vor ollan im Radio auf da Plottn sowieso.
Anfangs woa es leicht – da Billy Joel reicht
nur waunn ma öda wird
daunn wird ma ungeniert
ma draht se hin und her wo denn wos gsc heidas wär
und daunn geht es wirklich o
in TV und Radio.
Yeah, seit diesem Moment hea i gaunz ungehemmt Musik
Denn sie macht mich stets froh ob daham oda im Büro.
Ja es ist halt der Klang dieser tiefe Gesang – betört.
Und mir is es guanz wurscht ob die Lautstärkn irgendwen stört.
Jo weu
i steh nur auf an Bass
auf an Bass ( den Fredl)
i steh nur auf an Bass
auf an Bass ( den Fredl)
i nur auf an Bass( den Fredl)
i steh nur auf an Bass
auf an Bass
??????
Jo sog wos redsd denn do?
Nur a Boss allan der bringts hoit ned
des Schlogzeig mocht jo den Sound erst fett
und i sog da jetzt nur
erst der Klang von an Tenor macht ein Lied so richtig nett.
Lotto g'winn
Text: Toni Walzer
Melodie: Dancing Queen - ABBA
Sunntog auf d´Nocht und i schau genau
Wieda moi in mei TV
Weu es is jo wieda-wiedamoi so weit
Es kummt de Lottozeit
Mit Blei und Zettl sitz i do
Und i denk ma , wird des mei Show?
I tat so gern moi wos gwinnan
So 234 Mio hey do war i froh
Und ihr kennts es glaum..
Jo i hau….
I schreib ma olle Zoin auf
Und moch an Blick am Schein drauf
De erschtn 5e stimman de 6. Zoi daunn a
I moch an Juchazza
Jo i….
Pfiat eng
Text: Petra Römisch
Melodie: Good sweetheart
Refrain:
Pfiat Gott, guat Nocht und auf Wiedersehn
Bis wir erneut fia Eich do stehn
Ihr wart ’s echt supa
Ihr wart ’s echt klas
Jo des singen wor a riesen Spass!
Des is des letzte Liad fia heit
He du woch auf
es is so weit
Mia hean jetzt auf und es geht ’s ham
Und mia stengan do gonz allan
.
1. Oda bleibts no do und trinkts nu an - Weu es is no net so spät
Gebt ’s eich an ruck und zohts an klan - Weu mir sogn sicha net na
2. Oda geht ’s mi uns on de Bar - Und dann trink ma nu dann zwa
Es tat uns gfrein wonn des so wa - Weu dann war ma do net allan
Single Bells
Text: Petra Römisch
Melodie: Jingle Bells
Ref. Single bells, Single bells - kennst von do bis Wean
des was ned nur de Mali Tant des wissen a de Herrn
weu
Single bells, Single bells - is a Modetrend
Und wer füll alanich lebt - A aundas Lebm kennt.
1. Vur goa ned launga Zeit - woan d`Leit a ned zu zweit
so mauncha hod allanich glebt - oh Gott, woa des a Gfrett.
Doch heite is des so - De allanich lem san froh-
Sie lebm jetzt jo voi im Trend - Und „Singles“ wern se gnennt.
Ref.
2. A Vuateil der is kloa - ma hacklt wia a Noarr
Das Geld gehört nur dir allein – Das Singl-Lem is fein!
Am Sunntog schloft ma laung - Es gibt kann Gruppnzwaung
De Untahosn bleibt wos is - Waunns sei muas a am Tisch....
Ref.
3. Nur maunchmoi is es bled - weu vüll allan ned geht
Haum Sie des so wia i probiert - Und woan daunn sehr pikiert.
A Bucklwimmal stört - Und kana der mi hört
Daglengan tua i `s Wimmal ned – Jo Singl Sei is bled!!!!
Ref.
Vielleicht doch
Text: Petra Römisch
Melodie: Chasing Cars
Es woa a Zeit
In mein Lebm
Dunkelheit
-Ohne Wülln
Leb dahin
Ohne Fühln
Ref: Wos is nur los,wos is mit mir gschegn
Warum kaunn i wos schen is in mein Lebm nimma segn.
Ollas Zwaung
Dunkelgrau
Aungst und bang
-Einsamkeit
Depressiv
Aungst fur d`Leit
Ref: Wos is nur los,wos is mit mir gschegn
Warum kaunn i wos schen is in mein Lebm nimma segn.
Wos is nur los, wo liegt der Sinn
Wo bin i her und wo ghea i wirklich hin?
Höfts ma doch
Kana heat
Vielleicht doch
-suach die Kroft
Erinnerung
Tiaf in mir
Ref. 1 Weki alleine
Ref. 2 Unisono: Ois wos i bin, ois wos amoi woar
Gheat zu mein Lebn nur des ergibt an Sinn.
Ref3 aufgeteilt: Beino über d`Nocht, is fost so wias woa
Wos frira grau und dunkel woa ist plötzlich
wieda kloa.
Ref 4 Weki alleine: Wos is nur los wos is mit mir gschegn,
jetz kaunn i wos schen is endlich wieder segn.
Achterl Jive
Text: Petra Römisch
Melodie: Java Jive
1. I trink gern a Achterl Wein
Es derf jo durchaus a ein zweites sein.
A Grüner Veltliner und daunn Chardonnay
Jo daunn is erscht de Wöt fia mi O.K.
Waunn i bei an Glaserl sitz
Reiß i daunn guatgelaunt de gresstn Witz-
Noch 2,3, Rundn jo daunn wird ma kloa-
De Wöt do rund um mi is wundaboa. PROST
OH
- und daunn nochn Riesling da Muskat drau kummt
Auf amoi do wird de Eckn gaunz rund
I denk jetzt is es Zeit fian Cuvee- an Küwä
hhhh
Iglaub er braucht den Übl-Kübl
Refrain: I trink gern a Achterl Wein
Es derf jo durchaus a ein zweites sein
A Grüner Veltliner und daunn Chardonnay
Jo daunn is erscht de Wöt fia mi O.K.
Neilich woa er erscht
Bei meinem Hausoazt
— wiaso denn?
I was ned wos i hob mi druckts do bei de rechtn Rippn so
--- KUMMANS HER:
Sie haum gern Achterl Wein
Lossn Sie des in Zukunft liawa bleim
Sie haum scho a Lewa de hoat is wia Sta
Und göwe Augn jo de haum Sie a
nagehbumm
Er denkt se- wos faslt der Dokta denn do
Jo glaubt der denn wirklich i gwen mas jetzt o
Wia i daunn wirklich gsund a?
I glaub naaa
Geh Frau Wirtin nu a Glaserl
Refrain
Baby kumm z'ruck zu mir
Text: Toni Walzer
Melodie: Baby come back to me
Refrain: Dit dot ditty dit dot a ditty ditty
Dit dot ditty dit dot a ditty ditty
Dit dot ditty dit dot a ditty ditty
Dit dot ditty, Baby kumm z’ruck zu mia
1. I hob a moi a Schatzal ghobt
a gonz besundas wie ma sogt
mit an Gstöh – do schaut a jeda hi
...
Jo und a des Innenlebn – worauf de oander oft nix gebn
woar a echta Wahnsinns-Traum für mi
Refrain:
Bridge
Baby i steh auf di
Woo-oo
und
du brauchst a nur mi
Ooo
Bitte (schnell gesungen) kumm z’ruck zu mia (bitte bitte bitte kum z’ruck
Refrain:
Auch deine Lederhaut
Woo-oo
die mir die Sinne raubt
Woo-oo
Muss I wieda g*spian auf mia
Und I hob a an großen Föhler g’macht
und de Kurvn hot ’s echt net brocht
aber jetzt liegt ’s afoch do vor mia
Wie wär I des jetzt da Frau jetz sogn
i hoff sie wird mit net für frogn
FRAU: wo woidest eigentlich hi?
Refrain:
zu an Auftritt von Kreuz und Quer
Woo-oo
Gonz alleine
(Erklärung) (jetzt) wird ’s schwer?
Ooo
Bitte Haserl hoit mi net für bled
So mein lieber Schatz
Woo-oo
mach dich jetzt schnell vom Platz
Woo-oo
Und bitte kumm ni mehr
Dit dot ditty dit dot a ditty ditty
Ooo, aahh (Baby come home to me)
I said
Bitte kumm ni mehr
Da Hümme über mia
Text: Toni Walzer
Melodie: Calm After The Storm
1. I foahr auf der Strossn – Richtung hamwärts von weit furt
Die Aug’n werdn longsom miad scho – doch i wü di heit no gspian
Long scho is es finsta – I brauch an Kaffee
Die Tankstöh hot a zua scho – denn es is jo scho noch 3
Refrain:
Uh – der Hümmel über mia – zagt a Büd von dir – doch der Weg is no so weit
Uh – der Hümmel über mia – erzöht ma wos von dir – doch der Weg is no so weit
2. Vülle longe Johr scho – bist du jetzt bei mir
Imma no wie fria – wos I fia die gspia
Maunchmoi kummt a Sturm auf – des is a so im Leb’n
Doch die Sunn kummt wieda – nix scheenas kunn’tats gebn
Refrain
Bridge:
Vülles homa z’aumbrocht – gemeinsam du und i
Und i sitzt im Auto – und foah gonz schnö zu dir
Refrain:
Da Wecker leit
Text: Petra Römisch
Melodie: Marvin Gaye - Charlie Puth ft. Meghan Trainor
1. Da Wecker leit - ma scho so spät / dabei war`s nu so schien im Bett
i drah mi amoi nu herum / und denk ma - komm
nutz diese Schiene freie Zeit.
2. I steh jetzt auf - d`Hund Wotan schon / a Sabberkuss des is mei Lohn.
Da Napf gefüllt - schon is a laa / Und mei Kaffeehäferl a.
Refrain:
Woh - Der Schuiweg is ned weit / doch voll Verkehr seit
i bin spät dran / furchtbar spät dran / Oma trotzdem bleib i ruhig dabei.
3. De Glockn leit - mascho so spät / nur geht da Kopierer ned.
i drah mi amoi nu herum / und denk ma komm
nutz diese Schiene freie Zeit.
4. I steh jetzt auf - sie Wotan schon / Kindageschrei - des i mei Lohn
I mog se so wia sie holt san / und dann Gemmas Weida Ami ruhig an.
Bridge:
Da Nochmittog der geht vorbei / und am Bond Sade ihr dabei
de Dienstogprob de dauert laung / a classier song
woa heit wieda mori dabei. / wohhh
5. der Hamweg is recht weit / ka Verkehr seit
mia san spät dran / furchtbar spät dran
owa trotzdem san ma froh dabei.
Da wecker leit……….
De Fliagn
Text: Petra Römisch
Melodie: Tuxedo Junction
Wia i sich do sitzt a Viech
Und ich schwör – ich kille dich
Papa schau – sie nähert sich jetzt gaunz frech deinem Gsicht
Mit´n Pra-cka in da Haund
Näher ich mich jetzt da Waund
De Fliagn hockt jetzt provokant am Büd von da Mizzi-Tant
Ref.
Hoppala , jetzt liegt es unt
Und de Fliagn sie summt +summt
Es wird mir sche laungsaum doch zu bunt
Meine Ru-he ist dahin
A 5 Hä-fal san no hin
Doch ich jage sie sie übalebt de nächste Stunde nie
Ref.
Nu 3 Tö-lla hots ma kost
Mein Vastaund valier i fost
Wia a Wü-da hau i jetzt nur mehr herumum mi
Gott sei Daunk bin i ned allan
Denn gaunz ruhig nimmt mein Papa
Seinen Pa-tschn und gibt mir damit a gaunz a feste Watschn
De Raucher
Text: Petra Römisch
Melodie: Hang on sloopy
Stöts eich amoi fua es gabat kane Raucha mehr auf da Wöt
An jedn Finanzminista fölat plötzlich fü Göd..
Aus dera Soch gibt’s nua a anzige Konsequenz
A jeda der ned raucht auf amoi fü mehr Steia brennt,
drum schrein se olle
Geh kumm zünd da nu ane aun
Ziag aun ziag aun
Des Rauchn jo so sog eich- des is hoit scho so a Gschicht.
Wo imma du rauchst kaunnst sicha sei de Anti – si mögen dich nicht.
Se fuchtln mit da Haund vor ihra Nosn wia wüd ummadum
I frog mi wiaso stengans daunn bei uns Rauchern herum?
Weu mia an gmiatlich..
Drum rauch i ma jetzt ane aun
Ziag aun ziag aun
I zünd ma jetzt ane aun
Ziag aun ziag aun.
Des is acapella
Text: Petra Römisch
Melodie: Good old acapella
Stöll da fua
Du mochst Musik und host a deine Freind dabei
Du brauchst nix ois wia 5 Stimmen ned amoi Strom
Muaß wirkli sei. Ihr singts vüle schene Lia-
Dln maunchmoi geht eich wos gaunz schee danem .Des is
Wurscht es mocht Spaß es san so guate Harmonien. Des is
/: voi des Lebm nur ollas gebm
A capella is des wos i nur wüll. Des is:/ Foast du
Mit ana Frau zum Shoppen kaunnst a Wunda du erlem
Wos de Fruan hoit so ollas brauchn des hot
A Maunn wia du nia gsegn. Sie suacht den olla klansten String
Aus ( tuat des Schnirl do ned weh?) Weita
Geht’s-sie kauft ein- da goldne Esl der bist du. Sie kauft
/: neiche Hosn – und novü mehr Blusn
A Kappl a - des muas heit a nu sei. Sie hot:/
Da Joe schleicht ham in da Nocht, so leis dass kana drin aufwocht
Des is a Kunst in seinem Haus . de Schwiemu schaut sunst bes heraus
Und er denkt er hot es jetzt glei gschafft- do trifft eam de Brat-
Pfann mit volla Kraft :“ Oh, du“ heat er sie „Jo deine
Frau bedackelst nie!“ und daunn wern /: olle munter – jo
und olle schrein - de Akka bellt a- des is
ka Harmonie. Sie wern:/
Du bist mei Wöd
Text: Toni Walzer
Melodie: Change The World - Eric Clapton
1. Wonn I so vor dir steh – denk i ma jedes moi
a Frau wie du so schee – wos kaun der auni mi gfoin
du host vü mehr vadient – net so an oidn hund
und doch bleibst du bei mir – und darum sog is dir
Refrain:
Hey Babe- Du bist mei gonze Wöd
Du bist jo da Mittelpunkt in meinem Lebn
Mit dir kau i lochn und a monchmoi rearn
Baby glaub mas ruhig – duhhh bist mei Wöd
2. I was no gonz genau – es wor im Probenlokal
Du woarst afoch do – und weg wor jede Moral
Om liabsten glei und sofort – hob I mir domois denkt
Da Vastond sogt ka Wurt – oba heit konn I’s sogn
Refrain:
Hey Babe - Du bist mei gonze Wöd
Du bist jo da Mittelpunkt in meinem Lebn
Mit dir kau i lochn und a monchmoi rearn
Baby glaub mas ruhig – duhhh bist mei Wöd
- GUITAR SOLO -
Refrain:
Hey Babe - Du bist mei gonze Wöd
Du bist jo da Mittelpunkt in meinem Lebn
Mit dir kau i lochn und a monchmoi rearn
Baby glaub mas ruhig – duhhh bist mei Wöd
3. Und a no sovüle Johr – steh I heit vor dir
Mei Gfühl im Bauch wird ni klor – so wia beim ersten Moi
Mein Leben heit mit dir – kennt nimma besser werdn
Und i gfrei mi drauf - mit dir oid zu werdn
Refrain:
Hey Babe - Du bist mei gonze Wöd
Du bist jo da Mittelpunkt in meinem Lebn
Mit dir kau i lochn und a monchmoi rearn
Baby glaub mas ruhig – duhhh bist mei Wöd
Eier
Text: Toni Walzer
Melodie: Fire
1. Im Restaurant Ching Fu
jo do druckt mi a Buh
und i denk jetzt blos
wie kriag i den nur los
I renn in den Gostgarten
aber er kann nimma wortn
und Schuld san nur (uh) die Eier
2. Bei der Bauchmassage
do druck mi wieda so a Sch...
die Kabinen rundherum san voi belegt
jetzt wird es dumm
Der Masseur vadraht die Augn
"Hearns des is jo net zum glauben"
und Schuld san nur (uh) die Eier
3. Gonz entsetzlich konn's a sei
steigen sie in an Lift ein
bis Stock 20 ist weit
in jedem Stockwerk hoit der heit
jetzt konn i nimma mehr
und der Plotz um mi wir gonz schnö leer
und Schuld san nur (uh) die Eier
Bridge : I hob scho vü probiert
das des nimma passiert
do eines weis i jo
ganz sicha bin i do
de laut san net schlimm
do könnens ma vatraun
doch nur bei de gonz stühn
da rat ich abzuhaun
4. D'Moral vo dera Geschicht
essen keine Eier nicht
oder mindestens nur donn
wonn Se freie Schußbahn hom
im olla dummsten Fall
bleibt Eich a noch eine Wahl
sogt 's es woa da Meier
I hob die Surg das wieda brennt
Text: Toni Walzer
Melodie: Purble Rain - Prince
1. Wonn i schau in die Zeitung
Oda wonn i schau ins Internetz
Ois wos siagst is Streit und Hoss
Vü liaba wann ma Blumen, a Wiesn und die Sunn - OBA
Refrain:
I hob die Surg, das wieda brennt –
Da Russ und da Ami homs in die Händ
I hob die Surg, das wieda brennt –
S’wa schee wonn ana von de amoi mitn Herzn denkt
A Kind allan in ana Strossn steht.
Rundherum zerbombt ois liegt
Kann interessiert – ma hot’s scho so oft gsegn
Und a Gedanke pflanzt si immer tiefer in mei Hirn
Refrain:
I hob die Surg, das wieda brennt –
Da Russ und da Ami homs in die Händ
I hob die Surg, das wieda brennt –
S’wa schee wonn ana von de amoi mitn Herzn denkt
Klolied
Text: Petra Römisch
Melodie: Nein Nein Nein - Wise Guys
Jedn Morgn des söwe Spüh…,
ikaun mochn wos i wüll
Waunn da Wecker scheppat ,
rennansrum wia deppat ,
und i schau nur zua.
Wia sitzn daunn beim Fruahstuck ,
Schatzl kummst du heite fruah zurück?….
und daunn stengans auf
Um glei im Dauerlauf , Bod und Klo zu blockiern.
Verzweifelt richt i daunn de Jausn….,
i kumm wieda net zum Bruasn
Zähneputzen is gestrichn…, owa d`Notdurft muass i jetz verrichtn.
OOO da is scho wieda wer am Kol
Großer Schmerz und schrickliche Pein-
Lossts mi endlich ins Klo hinein.
Jetzt kommt meine große Chaze…,
i geh sicher glei aufs Ganze….
Weu des Klo is leer, do kummt da Postla daher,
i hupf eam glei aun de Gurgl.
Und wia i daunn wieda zurück kumm,
hauts mi glei vur Ärger um.
Weu de Tia is zua, jetzt hob i laungsaum gnua und i geh in unsan Goartn.
Und wia i do so hinterm Bam bin, und i Pi…. So fur mi hin hea i deitlich
Griaß Ihna Frau Nochboa, göllns heit in da Frua is scho wieda moi de Nocht goar.
Und des trestmi, es geht a aundan Leitn a so.
Wer Famülia hot varschteht mi, und hot bestimmt a zweites Klo.
Jetzt kummts.des öftan vur, dass i den Nochboan triff in da Fruah.
Und des leiwaum´nde is daran,. Wia haumm jetzt vülle neiche Bam.
Ooooo jetzt hob i endlich mei Ruah am Klo, koane Schmerzn und koa Pein, ich hab ein Klo für mich allein.
s in diesem Listenelement? Was ist das Besondere daran? Fügen Sie eine Beschreibung hinzu, die das Interesse Ihrer Besucher weckt.
Lebensweisheiten oder Des hot da Opa gsogt
Text: Toni Walzer
Melodie: Walk of life - Dire Straits
1. Jo da Opa der woar a gonz Gscheita –für jede G’schicht an Spruch aus sein Huat
So zum Beispü wonn’st de recht auhaust – bist heirats wird eh wieda guat
Oda des Fernsehn– schau net z’fü eini – weu donn griagst eckate Augn
a des scheagln– is net gsund - weu die Augn donn steckn bleibn
Refrain:
des und no vü mehr – hot mei Opa von sich geben – tua des ois net – hot mei Opa gsogt – jo hot mei Opa gsogt
2. A beim Essen hot er an Spruch ghobt – iss zaum damits morgen net regnt
Beziehungsweise für die Schule – „Du lernst des ois do net fia uns“
Zum Thema Frauen - wor er bewondert – Ondere Mütter haum a a scheens Kind
Oda wonn es dir gonz fad is – ziag di aus –pass aufs Gwond auf gschwind
Refrain:
3. No a Klassika von mein Opa – den Spruch den a jeder kennt
Springt die Lisa von da Bruckn – sog mir - springst du ah
Oba wos wichtigst –von mein Opa – hob i doch no glernt
immer freindlich –bitte Donkschee - und Grüß Gott donn foahrst du guat
Refrain:
Olle Tog
Text: Toni Walzer
Melodie: Mama Loo - Les Humphries Singers
Olle Tog – I hear Olle Tog – so G’schichtn di I mog –
Olle Tog – werd’s eich dazön – werd’s monch moi brülln
Olle Tog – I hear Olle Tog – es passiert jeden Tog–
Olle Tog – is goar (s’Programm is) net schwer – drum kummt’s nur her – zu Olletog
Brigde: HEY - is sog … - 4x
Sog ma – wos is – do heit los – Kreuz und Quer – de singen Eich wos.
Va Olle Tog– Olle Tog – wir singen Eich wos – wird gonz famos
Beginn
Olle Tog – I hear Olle Tog – so G’schichtn di I mog –
Olle Tog – werd’s eich dazön – werd’s monch moi brülln
Olle Tog – I hear Olle Tog – es passiert jeden Tog–
Olle Tog – is goar (s’Programm is) net schwer – drum kummt’s nur her – zu Olletog
So vü Leit san scho do – und de gfreit se mit uns a so –
Va Olle Tog– Olle Tog – wir singen Eich wos – wird gonz famos von Olle Tog
Und donn wir i glei rot
Text: Toni Walzer
Melodie: King of the road - Roger Miller
1. scho ois bua do woars ma zbled - meine freind sogn geh scheniar di net
uns geht’s a grod a so - und a den madl sowieso
2. wenn's um das eine geht - weil wos onders intressiert uns net
donn schau i wira a butterbrot - und donn wir i glei rot
3. Einmal dann als junger Mann - hob i mi gmocht – an 2 Hasen ran
De ham gsagt – wie wär's zu dritt - donn hob ich gfragt – wer mocht sunst no leicht mit?
4. Do ham se gmant – na du mein Schatz - und mir geschickt einen dicken Schmatz
wieda hob ich gschaut wia a butterbrot - und donn woar i glei rot
5. I kennt eich no so gschichten erzöhn - von lauta so Sachen, de me oft gewöhn
und imma imma imma wieda - wird's donn schnö eng - wo i oft a bisserl in da eckn häng
6. (Und donn) steh i wida gonz bled do - und mei frau sogt geh kum stöh de net so
du wast doch gonz genau - was ich a will als deine frau
komm in mein bett herein - und lass mal mich dein herzblatt sein
5 Sekunden später sagt sie dann schod - und scho wir i wieda rot
7. Jetzt hab i gmoch a Therapie - noch dem Leitsatz vooon an Hippie
freie Liebe hier und dort - und's Kamasutra glei ois Morgensport
Ich war befreit sofort - und liebe jetzt - an jedem Ort
nur derf i jetzt und hier ned - schod
sonst werd' ihr glei rot
sonst werd' ihr glei rot
sonst werd' ihr glei rot